<حروف>

(حروف )
لشاعرتنا البــرنـسيسه

تصدق عيد ميلادي يصـادف موعـد الفرقـا؟! = حضرت بنفسك توّجب خفوقي والهدية طعـون
لك الله يوم وادعتك أحـس الدمـع بـي يرقـا = أببكي بس دمعاتي عصتنـي واخذلتنـي عيـون
صرخت بـ(ليه) واغتالت شعور المهملـه حرقـا = وقلبي زادهـا بلّـة ورحّـب بالشقـا مليـون
لعينك لو تقول ان السما خضـرا وهـي زرقـا = أصدّق والغي المنطـق وأبـدّل فطنتـي بجنـون
ذكرتك ..وانتهى حلم الكرامة وأصبحت سرقـا = وجيتك...وأدري ما عادت وصوفي تعجبك بفتون
طلبتك وان حصل شفت العيون بدمعتـي غرقـا = تجاهـل ضيقتـي وخلنـي أرد لعالمـي المحـزون
مجرّد شوفتك تكفي خفوقي مـن بعـد شرقـا = تأكّد ..دامك بخير وسعاده كـل شـي يهـون