(بهر دلال الحب )

(بهر دلال الحب )
لشاعرنا قايد الشريف

شـب الغـرام واشعـل الشـوق فينـي = حـرك بقايـا قلـب ميـت مـن اعـوام
ذوب جليـد الدمـع بـاطـراف عيـنـي = يمكـن دموعـي تغسـل وجيـه الاثـام
وقـل للـجـروح المقبـلـه لاتجيـنـي = من مات قلبـه ماسئـل كيـف ل عـدام
ان مانسـيـت الـجـرح ولا نسيـنـي = كله سوا عندي . صحى الجـرح او نـام
امــا فــراق وبالشـقـا يغتشيـنـي = ولا وصــال وتحـتـرق فـيــه الالام
كـم لـي وعنـاب اليمـن فـي يدينـي = لاذقـت منـه ولا وصلـت لبلـح شـام
بـهـر دلال الـحـب كـانـك تبيـنـي = ثم صبها واشرب معـي نخـب الاحـلام
وابشـر بفنجـال الغـلا مـن يميـنـي = واعيّشـك فـي ليـل وشمـوع وانغـام
واشعل اصابع راحتـي لـك.. (ودينـي) = انـي لاضمـك مـن هنـا لاخـر العـام
طالبـك تكفـى عيشـنـي .واحتويـنـي = جرب تعيـش الحـب مـره بـلا اوهـام
وان مارضيت ( ارحل ) ترى اسرفت فيني = وتـرى فراقـك لاقعـد بـي ولا قــام